Kenya
ni Kipenzi
Kenya ni
kipenzi, nchi tulivu
Amani kaipa Mungu, daima milele
Natujivunie wana wake, tumpongeze
Kila siku, tuwe wakushukuru.
Kenya ni Kipenzi, kweli yapendeza
Tsavo, Amboseli – mbuga za wanyama
Kericho, Limuru – chai tamu sana
Kilifi, Kisumu – fuo zenye kung’aa.
Kenya ni
kipenzi, nchi tulivu
Amani kaipa Mungu, daima milele
Natujivunie wana wake, tumpongeze
Kila siku, tuwe wakushukuru.
Pale Turkana – chimbuko la binadamu
Bonde la ufa – muujiza wake Muumba
Mombasa sawa– kisiwa shwari raha
Historia yetu tukufu – Amu (Tamu) Lamu.
Kenya ni
kipenzi, nchi tulivu
Amani kaipa Mungu, daima milele
Natujivunie wana wake, tumpongeze
Kila siku, tuwe wakushukuru.
Wakenya watu wa bidii, sio wakaidi
Ukarimu pasi kuigwa, roho ya utu
Wanariadha wake sifika, ulimwengu
Kilimo, utalii, uvumbuzi, na mengi zaidi.
Kenya ni kipenzi, nchi tulivu
Amani kaipa Mungu, daima milele
Natujivunie wana wake, tumpongeze
Kila siku, tuwe wakushukuru.
Hata katika wakati wa dhiki, Kenya kweli ni
nchi barikiwa na teule. Mandhari yake ni yenye kuvutia na wananchi wake
wakarimu ajabu. Ndiposa ni vyema kujiuliza, ‘Nini naweza kuifanyia nchi yangu
ili iimarike zaidi?’
Comments
Post a Comment